Марго Рејмер e полска писателка и репортерка. На Варшавскиот универзитет ги завршува културолошките студии. Уште како тринаесетгодишничка почнала да пишува поезија, која била објавена во книжевно списание. Во 2009 година го објавува првиот роман „Токсимија“, со кој била и номинирана за Книжевната награда Гдиња во 2010 година. Во 2013 година ја објавува првата книжевна репортажа, „Букурешт. Прашина и крв“, за која ја добива наградата на Њузвик: „Тереза Торањска“ во категоријата Книжевност на фактите. Марго Рејмер со оваа книга станува препознатлива на книжевната сцена и е преведена на шест други јазици. За оваа книга, која претставува збирка репортажи од градот преполн траги на некогашната величественост и на пропаста, таа добива уште неколку книжевни полски награди и е номинирана за најпрестижните: „Пасош на Политика“ и „Нике“. Во октомври 2018 година се појавува нејзината следна репортажна книга, „Калта послатка од медот. Гласовите на комунистичка Албанија“, за која во 2019 година ја освојува наградата „Пасош на Политика“ во категоријата Литература, а во 2020 година наградата „Кошќелиски“. Во 2019 година ја добива титулата Млад амбасадор на полскиот јазик. Во 2023 година е објавена нејзината збирка раскази „Товарот на кожата“, фиктивна проза во која дејствијата се одвиваат во Полска, Косово и во Албанија. Нејзината поврзаност со Албанија трае веќе дванаесет години.