Јиржи Хајичек

Јиржи Хајичек  е роден на 11 септември 1967 година во Ческе Будјејовице каде што и  живее. Пишувал поезија и објавил три збирки раскази. Двократен добитник е на чешката најпрестижна книжевна награда Магнезија литера за романите Селски барок (2005) и Рибја крв (2012).  Романот Повикувач на дожд (2016), кој тематски се враќа на селата на Јужна Чешка бил прогласен за Книга на годината во традиционалната литературна анкета на весникот Лидове новини. 
Јиржи Хајичек припаѓа во редот на најуспешните современи чешки писатели, неговите книги се преведени на англиски, германски, италијански, македонски, полски и други јазици. Во 2016 година имал премиера филмот снимен според неговата книга „Крадците на зелени коњи“. Сите негови романи имаат свои театарски адаптации во театрите во Ческе Будјејовице и во Прага.